Article Summary
Dili, 13/05/2025 - AIFAESA liu hosi estrutura órgaun, dirijente, assessór no tékniku Metrolojia no Padronizasaun tersa ne’e, entrega ekipamentu no sertifikadu Metrolojia nian ba Institutu Qualidade Timor Leste (IQTL) nu’udar modelo parseria ne’ebé bele suporta malu iha servisu lor-loron liu hosi kompeténsia ida-idak nian.
Iha biban ne’e prezidente IQTL Sra. Igilda Manuela da L. Pereira, hato’o agradese tanba AIFAESA bele konsidera sira nia pedidu no aproximasaun hodi realiza termu entrega ba ekipamentu hirak refere.
Nune’e, Inspetora Jeral Dra. Odete da S. Viegas, Dermatologista hateten, óhin momentu importante tebes no tempu to’o ona atu fahe kbi’it ba malu hodi reforsa instituisaun, AIFAESA hanesan entidade implementador no IQTL mak instituisaun reguladór, tanba ne’e ekipamentu Metrolojia sira ne’e vale tebes ba IQTL atu bele halo kalibrasaun tuir kompeténsia ne’ebe iha.
Entretantu, iha atividade ne’e AIFAESA entrega ekipamentu hamutuk item (11) kompostu hosi, “bejana ukur standar, sumbu segel, kawat segel, colling tower, bantalan tera, anak timbangan, AT logam, neraca, timbangan bobot insut, water presure tank kalibrator no cap tanda tera”. Hosi item 11 ne’e ho kuantidade hamutuk (38). Aleinde ne’e AIFAESA entrega mós serfikadu kada aparellu ne’ebé mensionadu.
Atividade ne’e rasik hala’o iha edifísiu AIFAESA Tibar, Munisípiu Likisá.
Média - JcGon, FL
SIP/AIFAESA.
Start typing your article content here...