Article Summary
Dili, 22/05/2025 - Inspetora Jeral AIFAESA hamutuk ho Sub Inspetora Jeral, Fiskal Úniku, Assessores no dirijente departamentu sira partisipa iha semináriu ne’ebé organiza hosi Câmara Comércio Indústria (CCI-TL) iha salaun CNE, kinta ne’e.
Semináriu ne’e realiza hodi komemora Aniversáriu CCI TL nian ba dala XV ho tema “Reforsa Parseria ba Sustentabilidade Dezenvolvimentu Nasionál“.
Prezidente CCI TL Sr. Jorge de Araújo Serano agradese ba parte hotu no fó apoiu tomak mai AIFAESA nia intervensaun iha terenu, tanba nia konsidera nu’udar Timor-oan sempre iha hanoin di’ak ba rai ida ne’e.
Semináriu ne’e hetan abertura diretamente hosi S.E., Primeiru Ministru Kay Rala Xanana Gusmão ne’ebé enkoraja mós emprezáriu sira atu hahú ona ho planu di’ak sira liu-liu investe iha setór produtivu no governu prontu apoiu ba asaun sira ne’e.
Iha biban ne’e Inspetora Jeral AIFAESA Dra. Odete da Silva Viegas, Dermatologista, hola parte hanesan oradóra hodi aprezenta kona-ba papél no kompeténsia ne’ebé kabe mai AIFAESA hodi halo servisu inklui rezultadu servisu trimestre I no II tinan 2025.
Entretantu, oradór seluk mai hosi Autoridade Nasional Lisensamentu Ambiental (ANLA), Institutu Nasional Seguransa Sosiál (INSS) no BNCTL.
Enkuantu rohan hosi diskusaun ne’e AIFAESA hetan rekuñesimentu no apresiasaun lubuk hosi setór privadu sira, nune’e mós sujestaun no krítika balun atu bele mellora di’ak liu tan servisu AIFAESA nian ba futuru.
Média - FL/RL
SIP/AIFAESA.
Start typing your article content here...