Article Summary
Lisboa, 27 Maiu 2025 – Hanesan parte ida hosi kooperasaun institusionál entre Autoridade ba Inspesaun no Fiskalizasaun ba Atividade Ekonómika, Sanitária no Alimentár, (AIFAESA, I.P.) hosi Repúblika Demokrátika Timor-Leste no Autoridade Seguransa Alimentár no Ekonómika (ASAE) hosi Portugál hala’o enkontru tékniku importante ida ba koordenasaun iha ohin Sede ASAE, lokaliza iha Rua Rodrigo da Fonseca, Lisboa.
Delegasaun AIFAESA ne’ebé lidera husi Inspetora Jerál Dra. Odete da Silva Viegas, Dermatologista, akompaña husi Diretora DPORAL, Dra. Josefina Clarinha João, Asesór Jurídiku Dr. Marcelo da Rosa, no Inspetór Tékniku Sr. Carlos Mateus Ximenes, hetan Bemvindo ho ksolok husi Inspetór Jerál ASAE Portugál, Dr. Filipe Cardoso Lourenço, ho nia ekipa téknika.
Iha sorumutu ne’e, Inspetór Jerál ASAE aprezenta planu operasionál no organizasaun servisu inspesaun no monitorizasaun instituisaun portugés, fahe metodolojia no esperiénsia relevante ho ekipa AIFAESA.
Vizita téknika ne’e ho objetivu atu hametin kooperasaun bilaterál no promove fahe prátika di’ak hodi hadi’a implementasaun servisu instituisaun rua nian, liuliu iha área seguransa ai-han, protesaun saúde no monitorizasaun ekonómika.
Iha biban ne’e, Inspetora Jerál AIFAESA aprezenta lembransa institusionál ida ba nia omólogu portugés, nu’udar jestu apresiasaun no amizade entre entidade rua ne’e.
Iha loron hirak tuir mai, delegasaun AIFAESA sei kontinua ninia misaun téknika, akompaña fiskalizadór ASAE iha diskusaun no asaun inspesaun terrenu, no sei halo vizita ba laboratoriu nebe'e sai asuntu prinsipal hanesan referensia ba laboratoriu AIFAESA nebe'e sei konstrui iha tempu besik.
Inisiativa ida-ne'e reforsa kompromisu mútuo ba exelénsia institusionál no protesaun ba konsumidór iha nasaun rua ne'e.
Média - Delegasaun Portugal
SIP/AIFAESA.
Start typing your article content here...