Article Summary
Manatuto, 28/05/2025 - Bazeia ba keixa ne’ebé parte AIFAESA, I.P., simu ligadu ho produtu fós ne’ebé expira ona, maibé responsável eskola sei nafatin fo ba estudante sira hodi konsumu. Konsidera ba keixa ne’e rasik iha loron Kuarta Feira, 28/05/2025, Inspetores AIFAESA, I.P., halo kedas inspesaun no fiskalizasaun ba Eskola Tékniku Vokasional Agrikola Natarbora, ne’ebé lokaliza iha Munisípiu Manatuto, Postu Administrativu Natarbora, hodi observa direita produtu fós ne’ebé responsável eskola prepara ba estudante sira konsumu.
Iha intervensaun ne’e rasik, ekipa inspetóres identifika duni produtu hanesan fós ho marka "Gostu Los" ho kuantidade hamutuk (967) sakas expiradus, masako kaixa (2) expiradus, pimenta kaixa (1) estragadus, no ikan tri saku (1) estragadu.
Ho nune’e iha loron hanesan Inspetorés AIFAESA, I.P, hamutuk ho Polisia Eskuadra Postu Natarbora no Autoridade Postu-Administrativu Natarbora halo kedas atuasaaun hodi asegura Produtu hirak ne'ebe konsidera hanesan expiradu no estragadus, hodi kontinua prosesu tuir dalan legal ne'ebé iha.
Média - DN (DMP)
SIP/AIFAESA.
Start typing your article content here...