Article Summary
Dili, 25/06/2025 - “Inovasaun Integridade no Impaktu, dalan ba Aihan-Seguru no ba Ekonómia ida forte” mak tema ba atividade divulgasaun no semináriu sientífiku ne’ebé organiza hosi AIFAESA, kuarta ne’e iha salaun Canossa Has-Laran hodi selebra Aniversáriu ba dala IX.
Molok halo abertura prezidente komisaun organizadora Dra. Josefina Clarinha atual diretóra ba DPORAL hato’o uluk planu, progresu ba iha kompozisaun komisaun ba eventu hotu iha selebrasaun Aniversáriu AIFAESA nian. Ligadu ho atividade refere Inspetóra Jerál Dra. Odete da Silva Viegas, Dermatologista mós agradese ba parte hotu ne’ebe fó biban marka prezensa iha atividade semináriu ne’e, Inspetóra Jerál akresenta eventu ne’e importante tebes atu fahe susesu no dezafiu ne’ebé iha hamutuk ho operadór ekonómiku sira liu-liu atu asegura katak produtu sira ne’ebé komersializa iha merkadu labele prejudika ema nia saúde.
Hafoin hato’o liafuan badak, Koordenador MCAE Sr. Jorge Martins ne’ebe loke semináriu ne’e hateten, lori MCAE nia naran apresia AIFAESA nia susesu, no konsidera iha momentu ne’e sai momentu reflesaun mós hodi haree fali serbisu hotu atu bele trasa dalan ne’ebe klaru liu. Tinan 9 ona AIFAESA hamriik hanesan airin hodi hadia seguransa aihan, asegura merkadu TL, padraun sanitária, nune’e MCAE iha kompromisu tomak atu servisu hamutuk ho AIFAESA harii ekonómia forte ba sosiedade nia moris di’ak.
Aprezentasaun matéria iha semináriu ne’e mai hosi Sub Inspetóra Jerál DR. Quitéria da Costa, SIP, MPA, kona-ba lejislasaun AIFAESA, kompeténsia, atinjimentu, dezafiu inklui perspetiva ba futuru. Diretóra Operasionál Sra. Claudinha Pinto, aprezenta kona-ba rezultadu servisu Inspesaun no Fiskalizasaun (Semestre I) 2025, Diretor Ezekutivu SERVE.IP., Sr. Fausto Dias lori matéria kona-ba servisu SERVE nian no Diretora DPORAL Dra. Josefina Clarinha halo aprezentasaun liga ho Kontaminasaun Kímiku no Biolójiku iha Aihan.
Atividade ne’e partisipa hosi reprezentante operadores ekonómikus hosi Munisípiu tantu Dili no marka prezensa mós hosi reprezentante DG MAE diretór ba merenda eskolár Sr. Egidio de J. Alves inklui funsionáriu AIFAESA tomak, assessores nomós órgaun.
Média - FL/JcGon/Jo
SIP/AIFAESA.
Start typing your article content here...