Article Summary
Dili, 26/06/2025 - Iha ámbitu selebrasaun aniversáriu ba dala 9, AIFAESA hahú hosi órgaun to’o funsionáriu sira, kontinua realiza atividade kompetisaun ne’ebé hanaran “Jornada Sientífika” liu hosi aprezentasaun kada departamentu tuir kompeténsia no kazu ne’ebe hasoru iha servisu lor-loron. Atividade ne’e realiza iha salaun Canossa, Has-laran Kinta ne’e.
Nune’e kompetisaun refere, kompete hosi Departamentu Operasaun kompostu hosi inspetóres na’in 5, Departamentu Metrolojia no Padronizasaun hosi inspetóres na’in 3 no DPORAL nian kompostu hosi tékniku na’in 3. Entretantu tópiku ne’ebé aprezenta iha kompetisaun ne’e interesante tebes, tanba ligadu ho asaun sira ne’ebé mak hasoru iha terenu hanesan, produtu liu prazu, krime asambarkamentu/presu justu, publisidade engañoza, ijiene iha restaurante, komersializasaun tabaku ilegal, medida inferior ba material konstrusaun, análiza mikrobiolojia, análiza kualidade foos, no análiza kualidade kontaminasaun substánsia perigozu sira.
Atividade ne’e loke hosi Inspetóra Jerál Dra. Odete da Silva Viegas, Dermatologista, no partisipa másimu hosi Sub Inspetóra, Fiskál Úniku, assessores, diretores no funsionarius hodi ikus liu taka ho halo avaliasaun servisu AIFAESA nian ba semestre dahuluk tinan 2025 ne’ebé mak AIFAESA konsege atinje no koko atu hadia lakunas balun iha servisu tuir mai.
Média - FL/Jo/JcGon
SIP/AIFAESA.
Start typing your article content here...