Article Summary
Oe-cusse, 14/07/2025 - Segunda-feira Semana ne'e, AIFAESA kontinua hala'o Siminariu Desiminasaun kona-ba papél AIFAESA ni'an ba Operadór Ekonómiku sira iha Rejiaun Administrativa Espesial Oecusse Ambeno (RAEOA).
Objetivu hosi atividade refere, hodi mellora koñesimentu operadór ekonómiku sira ni'an, wainhira hala'o negosiu tenki komprimenta ba lei no ho justu nune'e labele monu ba infrasaun.
Nune'e iha liafuan murak hosi Inspetora Jeral AIFAESA, Dra.Odete da Silva Viegas, Dermatologista, hato'o agradese ba oportunidade murak ne'e, ba Prezidenti Autoridade RAEOA, tanba ho disponibilidade no laran luak bele fo biban ba AIFAESA hodi hala'o servisu deskonsentradu iha RAEOA.
Okaziaun ne'e mós Inspetora Jeral, bolu atensaun mós entidades relevante, AIFAESA nia prejensa iha RAEOA hodi hala'o servisu no servisu hamutuk ho entidades ne'ebe servisu nakaik ba malu, no nafatin, supervizaun hosi sentral, no husu ba entidade sira nafatin tau matan ba servisu ne'ebe AIFAESA hala'o.
"Papél AIFAESA ni'an laos atu julga operadór ekonómiku sira, maibé papél AIFAESA ni'an hodi haree buat ne'ebé lalos hodi ita hadia hamutuk" dehan Inspetora Jeral.
Entretantu, iha tempu hanesan Selensia, Prezidenti Autoridade RAEOA, Dr.Rogério Tiago Lobato, kontenti tanba AIFAESA bele servisu deskonsentradu iha RAEOA, AIFAESA hala'o servisu ho profissional hodi hala'o kontrolu ba kualidade ai-han no garante ai-han seguru ba konsumidóres,tanba ema moris presija konsumu ai-han ne'ebe kualidade.
Prezidenti Autoridade RAEOA, akresenta RAEOA ho protidaun tomak hodi apoiu servisu AIFAESA ni'an, tanba servisu AIFAESA ni'an importante tebes.
Atividade ne'e rasik orador mai hosi AIFAESA, Diretóra Operasionál, Claudinha Soares Pinto,halo aprezentasaun kona-ba servisu Inspesaun no Fiskalizasaun, enkuantu orador segundu hosi Tékniku DPORAL, Ângelo Edmundo Belo, aprezenta kona-ba Fixa Ijiene.
Partisipa iha atividade ne'e, Inspetora Jeral no Sub Inspetora Jeral, Autoridade RAEOA, Entidades relevante no Operadór Ekonómiku, PNTL no F-FDTL.
Média - JcGon
SIP/AIFAESA.
Start typing your article content here...