Article Summary
Ataúru, 29/07/2025 - Autoridade Inspesaun Fiskalizasaun Atividade Ekonómika Sanitária no Alimentár, Institutu Públiku (AIFAESA I.P), tersa feira ne'e halo divulgasaun kona-bá "Papél AIFAESA,I.P no lejislasaun sira ne'ebé regula atividade ekonómika iha Timor-Leste", seminariu refere hala’o iha Salaun enkontru MPC, Ataúru.
Segundu Supriora AIFAESA DR. Quitéria da Costa SIP. MPA, esklarese "AIFAESA hari'i ho Dekretu-Lei nú. 26/2016, 29 Juñu, hetan alterasaun dahuluk ho Dekretu-Lei nú. 29/2024, 03 Jullu, ho nia kna'ar mak Inspesaun no Fiskalizasaun. Divulgasaun lei ida ohin nian mak tarjetu ba Operadór ekonómiku sira, hodi bele kompriende diak liu-tan no tau atensaun molok hala'o atividade negósiu". Sub Inspetóra Jerál hatutan tan Operadór ekonómiku sira bele husu perguntas ruma ita bele halo diskusaun klean tanba kona-bá atividade negósiu nian atu nune’e ita bo'ot sira labele halo sala, tanba dalaruma AIFAESA tun ba halo kontrolu hare'e produtu ai-han expiradu, fatin la ijiene/ la moos.
Reprezentante Prezidenti Autoridade Administrativa Ataúru Señora Victoria da Costa Gomes, haktuir "divulgasaun papél AIFAESA, importante tebes tanba Ataúru sei mukit, seidauk hapar ho ida ne’e, entaun ami nia agradese teb-tebes ba iha AIFAESA, tanba bele tau atensaun mai rai ki'ik ida ne’e". Ho tempu hanesan reprezentante atual hanesan Sekretária Administrativa no Finansas, halo abertura ba atividade refere.
Oradór sira ba seminariu durante loron ida ne’e, kompostu hosi Departamentu ha'at hanesan DAJK, DPORAL, DO, no DMP. Semináriu hetan partisipasaun másimu no antuzias tebes hosi operadór ekonómiku sira no Autoridade Lokál
Sira, espresa hosi sesaun husu no hatan, to'o atividade remata.
Média - GXG
SIP/AIFAESA.
Start typing your article content here...