Baucau, 18/12/2025 - AIFAESA,IP, realiza Avaliasaun Anuál 2025 ne'ebé hala’o iha Sentru Konvensaun Baucau (CCB).
Avaliasaun ne'e ho lema: “Gratos pelo percurso percorrido juntos, transformamos a aprendizagem em passos alinhados para avançar”, atividade ne’e sai hanesan momentu krusiál ida atu hare fali progresu servisu anual no dezafiu sira ne’ebé enfrenta ona durante tinan ida nia laran.
Programa ne'e kobre aprezentasaun hosi orgaun sira mak hanesan Gabinete Inspetóra-Jerál, Sub-Inspetóra Jerál, Fiskal Úniku, Departamentu Asuntu Jurídiku no Kontraordenasaun (DAJK), Departamentu Administrasaun no Finansa (DAF), rezultadu servisu hosi ekipa integradu inspesaun no fiskalizasaun ne'ebé kompostu hosi Departamentu DO, DMP no DPORAL.
Enkuantu hosi Assesor Dr. Sergio Lobo aprezenta kona-ba dizitalizasaun mídia sosial AIFAESA nomós Assesora Dra. Josefina Clarinha João aprezenta kona-ba manual inspesaun integradu.
Atividade ne'e remata ho apresiasaun no rekomendasaun hosi funsionáriu inklui Dirijente sira hodi haforsa servisu fiskalizasaun ba futuru.
Atividade ne'e partisipa másima husi funsionáriu tomak AIFAESA.IP.
Mídia - Ekipa SIP
SIP/AIFAESA.