Likisa,16/12/2025 - Ekipa Integradu operasional AIFAESA, ohin halo intervensaun urjensia ba reklamasaun hosi Seguransa Ai-han Munisipiu Likisa, Kona-ba Estabelesimentu Komersial balun kontinua komersializa produtu Ai-han expiradu no Falta Rekezitus.
Hafoin simu Informasaun ekipa operasional ne'ebe lideradu hosi Inspetor Carlos Mateus, desloka kedas ba terenu hodi halo inspesaun ba estabelesimentu sira ne'ebe indentifikadu ona hosi Seguransa Ai-han Munisipiu Likisa. Nune'e iha intervensaun ne'e ekipa operasional toman estabelesimentu hirak ne'e kontinua fa'an produtu ai-han expiradu no Falta Rekezitus (informasaun laiha), okaziaun ne'e ekipa halo kedas apreensaun ba produtu no rezulta prosesa hasoru Estabelesimentu Komersial lima (5), refere.
Enkuantu atividade ne'e hetan akompaniamentu hosi ekipa Seguransa Ai-han Munisipiu Likisa.
Média- JcGon
SIP/AIFAESA.