Díli,12/12/2025 - Ohin Sesta-Feira, loron ikus ba semana ne'e, AIFAESA liu hosi Fiskal Uniku, Salvador da Cruz hamutuk ho Funsionariu halo despedida ba estajiada na'in tolu (3), ne'ebe durante hala'o sira estajiu profissional iha Departamentu Administrasaun no Finansas (DAF).
Iha, diskursu hosi Fiskal Uniku, hato'o agradese ba estajiada sira tanba bele hala'o estajiu profissional iha AIFAESA, hodi apoiu servisu Administrasaun balun ne'ebe iha, enkuantu iha tempu hanesan, terseru lider AIFAESA bolu atensaun mós ba estajiada na'in tolu (3), durante fulan hira mai aprende hanesan bukae ida lao hodi tau iha pasta, bainhira aplika iha kareira profissional.
Okaziaun ne'e, reprezentante estajiada Jelisia Estrela Cardoso hosi Centru Formanasaun Grace of Development, hato'o agradese ba Lideransa AIFAESA, bele fo oportunidade ba sira habelar no haklean liu tan sira abilidade, hodi hala'o kareira profissional iha futuru.
Enkuantu, iha oportunidade ne'e estajiada Tania Faria de Carvalho, ho Clara Ximenes, hosi Centru Formanasaun SEFOPE, halo mós breves palavras, hodi hato'o obrigado ba AIFAESA liu hosi Departamentu Administrasaun no Finansas durante fahe ona matenek ba sira ho pasensia hodi aumenta sira konesimentu ida ke di'ak liu tan.
Rohan hosi atividade ne'e atribui mós Sertifikadu ba estajiada na'in tolu (3), no foto hamutuk.
Mídia - JcGon & Jo
SIP/AIFAESA.