Dili, 12/12/2025- Sexta-feira ohin, Inspetora Jerál I.P., Dra. Odete da Silva Viegas, Dermatologista, hetan entrevista husi Média Nasional Timor Post no GMN-TV, iha eskritoriu Inspetora Jerál Matadouro Dili.
Hatan ba jornalista sira Inspetora Jerál hato'o servisu regulár hahú husi fulan Janeiru to'o Dezembru halo inspesaun hamutuk (4.442). Inspetora Jerál kontinua informa dadus servisu AIFAESA iha tinan (1) nia laran iha área tolu hanesan, komersiu (3.802), industria (1.64) no turistika (4.75), nune'e enseramentu temporaria (57), reativa estabelesimentu (50), produtus apreendidus (92.925) produtus alimentár no laos alimentár (83.049), bebidas alkolikas no laos alkolikas (9.017), tabaku ilísitu (8.59), kolekta amostra (25), auto selajem (2.17) nomós koimas (4.63.785).
Rohan husi entrevista ne'e, Inspetora Jerál fó mensajem badak ba operadór ekonomiku sira halo kontrola masima ba produtu hirak ho data validade hodi nune'e labele fó prejuiju ba saúde publiku nomos komunidade sira. Lidera Másima subliña mós hetan iha situasaun sira ne'e presiza koordena mai AIFAESA hodi nune'e emidiata kedas funsionariu tun direitamente halo inspesaun nafatin halo kolaborasaun entre konsumidores sira ho AIFAESA ba operadores ekonomiku atu nune'e labele prejudika negosiu ba konsumideres sira nia Saúde.
Mídia-Dopy
SIP/AIFAESA.