Dili, 10/12/ 2025 – Autoridade Inspesaun no Fiskalizasaun ba Atividade Ekonómika, Sanitária, no Alimentár, I.P. (AIFAESA, I.P.), liu-husi Superiór Másimu Inspetora Jerál, Dra. Odete da Silva Viegas, akompaña husi Diretora Departamentu Operasaun, Sra. Claudinha Soares Pinto no Diretor Departamentu Planeamentu Operasionál, Risku Alimentar no Laboratório, Sr. Ângelo Edmundo Belo partisipa iha Enkontru Koordenasaun importante ho Ministériu Komérsiu no Indústria no SERVE, I.P. iha edifísiu Diresaun Jeral Indústria (MKI).
Enkontru ne'e ho objetivu atu hametin koordenasaun entre autoridade kompetente sira ba prosesu lisensiamentu indústria nian.
Diretór Jerál Indústria (MKI) nian subliña katak enkontru ne'e importante tebes atu garante katak indústria sira bele kumpri hotu rekizitu sira hosi instituisaun relevante nian atu nune’e bele hetan lisensa ho loloos.
AIFAESA nu’udar autoridade ba inspesaun no fiskalizasaun iha papél importante atu asegura implementasaun hodi kontinua fó eduka ho informasaun sira, atu nune’e indústria sira bele kumpri rekizitu sira ne’ebé iha.
Inspetora-Jerál AIFAESA I.P, hanoin katak papel ida ne’e la’os AIFAESA ni’an deit maibé governu liu husi Ministeriu nakait sira presija atu servisu hamutuk atu garante saúde publiku.
Prezensa AIFAESA, I.P. nian iha enkontru ne'e reforsa kompromísu instituisaun nian atu kria ambiente negósiu ne’ebé justu, seguru, no kumpri lei iha Timor-Leste, liuliu kona-ba rekizitu sanitáriu no alimentár.
Mídia - Arc.
SIP/AIFAESA.