RAEOA, 28/11/2025 – Autoridade Inspesaun no Fiskalizasaun ba Atividade Ekonómika, Sanitária, no Alimentár, I.P. (AIFAESA, I.P.), liu-husi Superiór Másimu Inspetora Jerál, akompaña husi ekipa, partisipa iha serimónia solene hasa'e Bandeira Nasionál hodi komemora loron boot Proklamasaun Independénsia Unilateral Repúblika Demokrátika Timor-Leste ba dala-50.
Serimónia istórika ne'e hala'o iha Kampo 01 de Maio Palaban, Rejiaun Administrativa Espesiál Oé-Cusse Ambeno (RAEOA). Sua Exelénsia Primeiru-Minístru, Kay Rala Xanana Gusmão mak sai hanesan Inspetór Serimónia, no partisipa másimu mós husi membru Governu Konstituisionál da-IX hanesan S.E Minístru Obras Publikas, S.E Vise Minístru Infraestrutura, Prezidente Funsaun Públika, Funsionáriu RAEOA, Autoridade TTU, Jawa Timur, konvidadu-de-onra sira seluk no komunidade Atoni.
Prezensa AIFAESA, I.P. nian iha eventu importante ne'e demonstra espíritu nasionalizmu no kompromísu instituisaun nian hodi valoriza istória luta eroi no eroina sira-nian ba Timor-Leste nia auto-determinasaun. Atividade solene ne'e nu’udar parte ida husi programa komemorasaun ofisiál ne'ebé organiza husi Autoridade RAEOA hodi selebra istória no reforsa unidade nasionál iha loron espesiál ne'e.
Mídia - Arc.
SIP/AIFAESA.