RAEOA, 26/11/2025 - Tama iha loron daruak nian, Dirizente Masimu AIFAESA, I.P ho ekipa kontinua divulga Informasaun ba operadór ekonómiku sira iha Sub rejiaun OE-SILO, no iha diskursu, espresa sentidu apresiasaun ba Exmo, Administradór sub rejiaun OE-SILO, ne’ebé disponibiliza ona fatin no fo apoiu maximu ba realizasaun atividade divulgasaun ida ne’e. Perante operadór ekonómiku sira, Inspetora Jerá enkoraja atu aproveita didiak informasaun sira ne’ebé simu, hodi tau ba prátika iha atividade negósiu loro-loron nian nune’e bele prevene risku sira ne’ebé fo impaktu ba saúde komsumidór nian.
Akresenta Administrador Sub Rejiaun OE-SILO katak maioria iha OE-SILO atividade mikro-negosiu predominante liu kompara ho sub rejiaun sira seluk. Mezmu nune’e nia enkoraja atu operador ekonómiku sira nafatin mantein kondisaun ijiene no kualidade konservasaun produtu ho seguru tuir regras sira ne’ebé Autoridade partilla ona mai ita.
Atividade ne’e nudar parte ida husi sekuénsia programa Autoridade RAEOA nian, ho objetivu hodi tulun no eleva kuñesmentu operadór ekonómiku sira ba kresimentu no dezenvolvimentu ekonomia ne’ebé kualidade no garante ema hotu nia saúde públika.
Mídia - Arc
SIP/AIFAESA.