RAEOA, 26/11/2025 - Ekipa AIFAESA, I.P ne’ebé lidera hosi Exma, Inspetora Jerál AIFAESA, I.P Dra. Odete da Silva Viegas. Dermatologista, akompaña hosi Xefe Gabinete, Diretora Operasionál no Diretor Asuntu Juridiku no Kontra-Ordenasaun ho tekniku sira realiza atividade Divulgasaun ba operador ekonómiku sira iha Salaun Administrasaun Numbei. Atividade refere hala'o iha loron tersa-feira 25/11/2025.
Dirizente maximu AIFAESA, I.P., iha nia interveinsaun, hato’o profunda gratidaun ba Exmo,Prezidente Autoridade RAEOA, ne’ebé disponibiliza hodi involve atividade divulgasaun ne’e ba sekuénsia programa iha komemorasaun Quinquagessimo aniversáriu proklamasaun Independénsia Timor-Leste nian.
Atividade ne’e abertura husi Exmo,Prezidente Autoridade RAEOA, Dr. Regio S. R. Da Cruz Salu, no iha diskursu, PA, RAEOA akresenta katak AIFAESA, I.P., ezerse misaun ida importante tebes hodi assegura direitu konsumidór no promove konkorensia justa ba operador ekonómiku sira iha Timor-Leste, salienta liu tan katak RAEOA prontu kolabora ho institusaun sira hosi governu sentrál nian hodi impulsiona kresimentu ekonómiku rejiaun, liu hosi promove produto orijen RAEOA nia kualidade atu bele kompete iha merkadu nasionál tantu internasional.
Iha sesaun aprezentasaun, ekipa apresentadór AIFAESA, I.P, aprezenta tematika relevante sira liga ho Servisu AIFAESA,I.P nian iha terenu, planu atividade inspesaun no fiskalizasaun (AUTO STOP) ba kareta sira ne’ebé tula produtu Alimentar tama iha RAEOA, Servisu Planeamentu Operasionál, Risku Alimentar no Laboratóru, responsabilidade ba kontrolu matéria metrologia no bens embaladus, aplikasaun lei, tipu sansaun no tramitasaun prosesu kontraordenasaun no tematiku ikus liu kona ba rezumu progresu servisu AIFAESA nian dezde nia ezistensia iha tinan 2016.
Iha okaziaun neebe hanesan SERVE, I.P, representa husi Diretor Rejionál aprezenta kona ba papel SERVE, I.P tuir Dekretu Lei No. 83/2022, no prosedimentu trata lisensamentu no rejistu atividade negosiu iha Timor-Leste.
Mídia - Arc
SIP/AIFAESA.