Manatuto, 21/11/202025- Loron ohin ekipa integradu realiza atividade Inspesaun no Fiskalizasaun ikus iha Postu Administrativu Lacló, lidera husi Diretór DMP Sr. João Cancio Morato, hamutuk tékniku AIFAESA no hetan apoiu husi Komandante Eskuarda PNTL no Autoridade Postu Lacló.
Antes realiza atividade inspesaun no fiskalizasaun ekipa integradu hato'o uluk karta kuñesimentu ba Prezidente Autoridade Munisípiu no Segundu Komandante Eskuarda Postu Lacló, Munisípiu Manatuto.
Ekipa espesiona estabelesimentu hamutuk lima-nullu (50) kompostu husi Postu tolu (3) hanesan Manatuto Vila, Laclubar no Lacló. Parte ne'e, ekipa prosesa mós estabelesimentu rua (2) iha Postu Lacló tanba nafatin fa'an produtu ho data expiradu, nomós entrega karta konvokatoriu ba na'in estabelesimentu ida hodi marka prezensa iha edifisiu AIFAESA Matadouru Dili Segunda-feira 24/11/2025.
Rohan husi atividade inspesaun no fiskalizasaun ne'e, ekipa halo destrosaun kedas ba produtu apreendidus, iha fatin lixeira Tahagamu Lacamesac Lacló, tékniku responsável husi Pascal Sereno, testemunha husi Autoridade Postu Lacló Sr. José Vicente Soares, Segundu Komandante Eskuarda Sr. Fernando G. de Carvalho no Komandante PNTL Sra. Laura L. de. S. Carvalho.
Média - Dopy
SIP/AIFAESA.