Dili, 20/11/ 2025 – AIFAESA liuhosi Inspetóra Jerál AIFAESA, Dra. Odete da Silva Viegas, no akompaña hosi Assesor Dr. Sergio Lobo partisipa direta iha serimónia abertura formasaun ba funsionáriu DMP na'in-10 ne'ebé realiza iha Pusat Budaya Indonesia, Mascarenhas, Dili.
Formasaun ne'e ho tema "Dukungan Penyelenggaraan Metrologi Legal di Timor-Leste" no sei hala'o durante semana ida, hahú husi loron 20 to'o 27 Novembru 2025. Iha formasaun refere formandu hamutuk nain 20 inklui formandu nain 10 hosi parte IQTL.
Iha biban ne'e, Koordenadór MCAE (Ministériu Koordenadór Asuntu Ekonómiku) Sr. Jorge Martins fó atensaun katak atividade ne'e la'ós de'it formasaun bain-bain, maibé nu'udar pasu estratéjiku no importente tebes iha relasaun bilaterál entre Indonézia ho Timor-Leste. Ida-ne'e loke oportunidade serbisu, hametin ekonomia iha merkadoria, dada investimentu, no importante liu mak hasa'e kualidade iha área metrolojia nian.
Serimónia abertura ba formasaun ne'e ofisialmente loke hosi Direktur Metrologi Kementerian Perdagangan Republik Indonesia, Ibu Sri Astuti.
Inisiativa ne'e hein katak bele hasa'e koñesementu tékniku funsionáriu AIFAESA ni'an hodi asegura kualidade no padraun medida (metrolojia) ne'ebé loos iha merkadu Timor-Leste ni'an.
Enkuantu abertura ne'e hetan partisipasaun masimu hosi Duta Besar Republik Indonesia, Kordenador Jeral MCAE, Prezidente IQTL no entidade relevante sira seluk.
Média - RL & JcGon
SIP/AIFAESA.