Manatuto, 19/11/2025- Kuarta-feira ohin, liu husi Autoridade Inspesaun no Fiskalizasaun Atividade Ekonómika Sanitaria no Alimentar, halo koordenasaun servisu hodi fahe informasaun koanservisu nian, enkontru koordenasaun servisu ho entidade relevante realiza Iha salaun Programa Nasional Dezenvolvimentu Suku (PNDS), Munisípiu Manatuto Vila.
Diskursu Palavras husi reprezentante Prezidente Autoridade Munisipál Diretór Agensia Fiskalizasaun Sr. Octavio Carceres, hato'o agradesimentu ba AIFAESA, tanba ne'e autoridade husu mós ba AIFAESA katak iha sosializasaun ba divulgasaun ida ne'e importante tebes iha Munisípiu refere atu bele asegura konsumidores nomós asegura saúde publiku iha Munisípiu Manatuto. Diretór salienta tan, husu ba AIFAESA iha pontu fokál balum bele koloka iha Munisípiu Manatuto hodi bele servisu hamutuk ho entidade relevante halo kontrolu ba iha vendedór sira, hodi asegura ita nia konsumidores sira atu konsumu ai-han digno.
Reprezentante AIFAESA I.P., husi Fiskál Úniku Sr. Salvadór da Cruz, sorumutu ho entidade relevante sira hodi fó hanoin no difikuldade ne'ebé iha bele halo diskusaun hodi hadia servisu tuir mai.
Iha aprezentasaun mós husi Oradór Primeiro, Diretór Departamentu Metrolojia no Padronizasaun Sr. João Cancio Morato kona-ba papél AIFAESA I.P., oradór segundu Xefe Departamentu Jestaun Merkadu Sr. Sales Luis kona-ba papél
servisu jestaun merkadu no turismu Munisípiu Manatuto, oradór terseiru Diretór Seguransa Alimentar Sr. Ernesto Matos Soares kona-ba papél seguransa alimentar Munisípiu Manatuto.
Rohan ne'e, partisipante mai husi hanesan, MAE, MTA, Ministeriu Agrikultura, CCI-MM, Komandante Eskuarda PNTL, SMGMT, SMSA, Saúde no seluk tan.
Média - Dopy
SIP/AIFAESA.