Manatuto, 18/11/2025- Tersa-feira ohin, ekipa integradu AIFAESA marka prezensa iha Postu Laclubar hodi halo atividade inspesaun no fiskalizasaun ba operadór ekonómiku sira, antes halo kontrolu ekipa hato'o uluk karta koñesimentu ba autoridade munisipiu no Komandante eskuarda PNTL Postu Laclubar Munisípiu Manatuto.
Iha asaun atividade ne'e, ekipa AIFAESA identifika operadór ekonómiku ida (1) sei nafatin faan produtu ai-han no laos ai-han ho data expiradu hanesan " Taro Tempe (plastik 24), 50 Klin/Pewangi (masa 5), Cussons baby (masa 4), Zwitsal (masa 4), Cling Pembersih (masa 5), Bayclin (masa 6), Vanish (masa 5) no Baby skin oil (masa 6). Nune'e Tékniku responsável Pascal Sereno dos Reis foti auto notisia kontraordenasaun hodi kontinua prosesa tuir lei ne'ebé vigora, nomós entrega karta konvokatoriu ba na'in estabelesimentu hodi segunda-feira dia 24/11/2025 marka prezensa Iha edifisiu Matadouro Dili.
Ekipa regista estabelesimentu hamutuk sanulu resin hitu (17) iha Postu Administrativu Laclubar.
Média - Dopy
SIP/AIFAESA.