RAEOA,17/11/2025 - Hafoin hala'o atividade Kontrolu, Ekipa tekniku AIFAESA, I.P, hato'o karta koñesimentu ba Autoridade Sub Rejiaun Oesilo no Autoridade Seguransa PNTL, Esquadra Postu Oesilo, nune'e ekipa kontinua kedas halo inspesaun no fiskalizasaun ba estabelesimentu sira iha Suku Bobometo, aldeia Tumin no Oe baha.
Hosi atividade kontrolu ne'e, ekipa inspesiona estabelesimentu hanesan Kioske, Loja no Ofisina.
Enkuantu hosi inspesaun no fiskalizasaun ne'ebe ekipa hala'o, la deteta infrasaun ruma, no ekipa nafatin fahe informasaun ba operadór ekonómiku sira wainhira fa'an produtu ai-han tenki kontrola masimu ba data validade no halo negósiu iha lisensamentu ba ativida negósiu ni'an.
Nune'e, okaziaun ne'e ekipa mós halo apreensaun ba produtu ai-han ne'ebe entrega voluntariu hosi operadór ekonómiku sira, no produtu hirak ne'e ekipa asegura iha edifisiu provizoriu AIFAESA RAEOA.
Mídia - Ekipa RAEOA
SIP/AIFAESA.