Bobonaro,17/11/2025 - Ekipa konjunta ne'ebé lidera hosi Diretóra Departamentu Operasaun, Claudinha Soares Pinto no PNTL ( Polisia Transito ) no Unidade Polisia Fronteira ( UPF) Batugade, hamutuk ho ekipa operasionál AIFAESA,I.P. hala'o atividade Inspesaun no fiskalizasaun, hodi halo Auto Stop ba transporte hirak ne'ebé tula produtu ai-han no la'os ai-han, iha Suku Batugade, Postu Administrativu Balibo, Munisípiu Bobonaro. Atividade refere hala'o iha loron 15 no 16 fulan Novembru tinan ne'e.
Iha atividade ne'e Ekipa inspetóres husu empreza importadór Sira nia dokumentus hanesan ( packing List, sertifacado Karantina) no Distinasaun tula produtu to'o fatin ne'ebé.
Durante Inspesaun no fiskalizasaun ba (Auto Stop) iha fronteira Batugade, Ekipa konsege inspesiona kareta hamutuk ha'at- nulu resin hitu(47) kompostu hosi fuxo, truk,Cool box, Grand Max. Iha inspesaun no Fiskalizasaun refere ekipa mós entrega karta konvokatóriu hamutuk ha'at (4).
Aleinde ne'e ekipa operasionál nafatin fahe informasaun kona-bá oinsa atu tula produtu ai- han no la’os ai- han tuir kriteria ne'ebé mak mensiona iha brosura ne'e kona-bá maneira organiza produtu iha transporte ne'ebé tula produtu ai-han sira.
Mídia - Ekipa Fronteira Batugade.
SIP/AIFAESA.