Bobonaro, 14/11/2025 - AIFAESA Nafatin halo aktividade Inspesaun no fiskalizasaun, hodi halo Auto Stop ba transporte hirak ne'ebé tula produtu ai-han no la'os ai-han, iha Suku Batugade, Postu Administrativu Balibo, Munisípiu Bobonaro.
Atividade refere akompaña hosi Diretóra Departamentu Operasaun Claudinha Soares Pinto no Assesóra Téknika dra.Josefina Clarinha Joao. Atividade ne’e hetan apoiu másimu hosi PNTL (Transito no UPF) Batugade.
Iha Inspesaun no fiskalizasaun ba loron daruak ne'e ekipa konsege inspesiona kareta (23) kompostu hosi fuxo (5) no truk (4)Cool box (7) Grand Max(7).
Enkuantu, Inspesaun no fiskalizasaun auto stop ba transporte ai-han no la'os ai- han ne'ebé mak ekipa hala'o, la iha indikasaun iregularidade.
Aleinde ne'e ekipa nafatin fahe brosura kona-bá maneira organiza produtu iha transporte ne'ebé tula produtu sira.
Mídia - Ekipa Fronteira Batugade.
SIP/AIFAESA.