Bobonaro, 13/11/2025 - AIFAESA realiza atividade Inspesaun no fiskalizasaun, hodi halo Auto Stop ba transporte hirak ne'ebé tula produtu ai-han no la'os ai-han, iha Suku Batugade, Postu Administrativu Balibo, Munisípiu Bobonaro.
Atividade refere hanesan pasu dahuluk, no lansamentu direita hosi Inspetóra Jerál Dra. Odete da Silva Viegas, Dermatologista, akompaña hosi Diretóra Departamentu Operasaun, Claudinha Soares Pinto no Assesóra Téknika Josefina Clarinha Joao, hetan partisipasaun mós hosi Autoridade Munisipál Postu Administrativu Balibo.
Objetivu hosi atividade ne'e mak atu halo kontrolu ba transporte hirak ne'ebé tula produtu ai-han no la'os ai-han hodi garante nafatin kualidade produtu no evita produtu anormal inklui produtu expiradu dira tama mai iha Ita nia rain.
Iha Inspesaun no fiskalizasaun ba loron dahuluk ne'e ekipa konsege inspesiona kareta (12) kompostu hosi fuxo 6 no truk 6. Hosi Inspesaun no fiskalizasaun ne'e rezulta mós kareta tolu mak hetan karta konvokatóriu iha Inspesaun ne'e rasik.
Aleinde ne'e ekipa mós fahe brosura kona-bá maneira organiza produtu iha transporte ne'ebé tula produtu sira.
Mídia - Ekipa Fronteira Batugade.
SIP/AIFAESA.