Indonézia, 12/11/2025 - Reprezenta Inspetóra Jerál AIFAESA, Julito Barreto Salsinha Gomes atual hanesan Inspetór Tékniku Departamentu Metrolojia no Padronizasaun, partisipa " Forum Meeting Asia Pacific Legal Metrology ba Dala 32", ne'ebé hala'o iha Bandung Indonézia. Atividade refere hala'o durante loron tolu, hosi loron 05 to'o 07 fulan Novembru tinan 2025.
Iha enkontru Asia Pacific Legal Metrology Forum (APLMF), fó oportunidade ba membru sira hodi diskute kona-bá estratejia no esperénsia kona-bá dezenvolvimentu Metrolojia Legál inklui kontrolu ba instrumentu medisaun, Padronizasaun no fasilitasaun komersiu.
Timor-Leste mós hola parte iha Atividade APLMF atu aprende no patilla esperiénsia hosi prespetiva Nasionál.
Portantu enkontru ne'e ajuda atu fortelese kapasidade téknika sira no kolaborasaun internasionál iha área Metrolojia Legál.
Aleinde ne'e enkontru APLMF sei kontinua fila fali tinan oin iha Beijing-China, sei kontinua fó plataforma ba nasaun membru sira atu patilla esperiénsia fortalese kooperasaun no hadia sistema Metrolojia Legál iha rejiuan.
Iha forum ne'e hetan Partisipa másimu hosi delegasaun 62, hosi nasaun ou membru hamutuk 19.
Mídia - JBG & GXG
SIP/AIFAESA.