Article Summary
.
Tailándia, 08/11/ 2025 - AIFAESA liuhosi Sub Inspetóra Jerál DR. Quitéria da Costa, SIP, MPA akompaña ho ekipa delegasaun hala'o enkontru kordenasaun ho Embaixada RDTL iha Bangkok-Tailándia ne'ebé hala'o iha eskritóriu Embaxada Thanapoom Tower 7th Floor Bangkok-Tailándia. Enkontru refere hala'o iha loron 07/11/2025.
Objetivu hosi reuniaun ne'e atu relata ba embaixada rezultadu vizita traballu AIFAESA durante loron 5. Vizita ne'e konklui ho rezultadu pozitivu hodi reforsa ligasaun no koperasaun ba interese Timor-Leste nian.
Iha reuniaun refere Embaixadór RDTL iha Bangkok- Tailándia Sr. Francisco Cepeda hatudu prontidaun atu halo kooperasaun hamutuk ho AIFAESA, liuliu ba akordu ne'ebé sei estabelese iha futuru hodi asegura kualidade atividade ekonómika no produtu entre nasaun rua.
Sub Inspetora DR. Quitéria da Costa SIP, MPA hosi AIFAESA hato'o agradesimentu ba Embaixada nia apoiu no fasilitasaun ne'ebé fó durante vizita traballu ne'e.
Hafoin enkontru, Ekipa Tékniku Embaixada akompaña delegasaun AIFAESA hodi hala'o vizita badak ba merkadu Thanaphoom.
Enkontru ne'e partisipa hosi Embaixadór RDTL iha Bangkok-Tailándia Sr. Francisco Cepeda, Konseleiru Embaixada Sr. Armindo Simoes no Adidu Edukasaun Embaixada Sr. Baptista da Silva, Sekretária Sra. Gabriela Gusmão no Ekipa Embaixada.
Mídia - RL & JJF
SIP/AIFAESA.