Manufahi, 07/11/2025- Hafoin remata atividade inspesaun no fiskalizasaun iha Postu Administrativu Turiscai, ekipa operasionál AIFAESA kontinua halo kedas destroisaun ba produtu apreendidus hirak ne'ebé preende, lidera husi Diretór DPORAL Ângelo Edmundo Belo.
Iha atividade ne'e, ekipa operasionál detekta loja ida (1) ho inisial D.S.C nafatin fa'an produtu ho data expiradu, nune'e tékniku halo apreensaun no sei prosesa tuir lei.
Maske iha udan laran de’it ekipa operasionál nafatin iha vontade hodi hala’o servisu, deposis termina atividade inspesaun no fiskalizasaun ne’e, ekipa halo destroisaun ba produtu expiradu sira ne'ebé mak preende ona, destroisaun ne'e hala'o iha lixeira Merkadu, Suku Manumera Postu Turiscai, hetan akompaña husi OPS Turiskai Sr. Antonio Rodriques, Inspetór responsável Sr. Carlos Mateus Ximenes, Testemunha husi Komandante PNTL Esquarda Turiskai Sr. Carlos Ornai.
Durante inspesaun ne'e, iha Munisípiu Manufahi, Postu Administrativu Same Vila, Fatuberliu no Turiscai, ekipa operasionál konsege rejista estabelesimentu hamutuk hitu-nulu resin ida (71).
Mídia - Dopy
SIP/AIFAESA.