Díli, 07/11/2025 - Ekipa operasionál AIFAESA husi DO, DMP no DPORAL halo enseramentu temporáriu ba restaurante ho inisiál “A A” ne’ebé lokaliza iha área Kuluhun tanba kondisaun la ijiene. Atividade ne’e realiza iha loron sexta semana ne’e.
Restaurante refere hetan taka provizóriu tanba komete pontu krítiku (7) mak hanesan ; fatin prepara aihan la saudável, la haketak aihan tasak no matak, kondisaun plafon la di’ak, didin lolon la di’ak, área keramik bokon, drainajen la taka, la uza uniforme ba preparasaun aihan no seluk tan. Entretantu, enseramentu ne’e durasaun loron 30 atu bele hadia fatin antes loke fila fali.
Mídia - FL
SIP/AIFAESA.