Article Summary
AIFAESA hala'o vizita traballu iha Tailándia
Tailándia, 06/11/2015 - Delegasaun ofisiál AIFAESA lidera hosi Sub Inspetóra Jerál AIFAESA, Dra. Quitéria da Costa, SIP, MPA ho ekipa hala'o vizita iha terenu (site visit) hahan dalan ninin (food street) iha ARI, PhayaThai Distric, Bangkok.
Antes hala'o site visite ekipa delegasaun hala'o enkontru dahuluk ho Department of Medical Sciences relasiona ho kolaborasaun AIFAESA hodi Hametin Kooperasaun iha àrea saúde no siénsia mèdika.
Vizita kolaborasaun ida-ne'e hanesan pontu importante atu troka esperiénsia, fahe koñesimentu, no haree prátika di'ak sira iha peskiza no laboratóriu siénsia médika nian no fornese formasaun iha futuru, enkontru ne'e hala'o iha Sala 902, Edifísiu 14, iha Departamentu Siénsia Médika, Tailándia.
Hafoin remata enkontru ekipa delegasaun AIFAESA akompaña hosi parte relevante sira hosi Tailándia hala'o vizita iha terenu (site visite) ba hahan dalan ninin (food street) Ari iha PhayaThai Distric, Bangkok.
Objetivu prinsipál vizita ne'e maka aprende no observa diretamente oinsá autoridade Tailándia jere no kontrola seguransa ai-han, ijiene, no mekanizmu monitorizasaun ba setór ai-han iha dalan (food street).
Mídia - RL & JJF
SIP/AIFAESA.