Article Summary
Onspetóra Jerál hetan entrevista hosi média Jornal Timor Post
Díli, 06/11/2025 - Inspetora Jeral AIFAESA Dra. Odete da Silva Viegas, Dermatologista, hetan entrevista husi média jornal Timor Post no Independente, iha kna’ar fatin Matadouro, Kinta ne’e.
Ba jornalista sira Inspetora Jeral informa katak “Servisu sira regular ekipa husi diresaun ida-idak halo hanesan baibain liu-liu iha operasionál, jurídiku no diresaun seluk tan. Felizmente iha loron finadu liu ba laiha keixa ruma, nune’e situasaun hotu la’o ho di’ak”. IG kontinua afirma dadus sira liga ho total estabelesimentu ne’ebé inspesionadu husi janeiru to’o ohin loron konsege halo inspesaun ba negósiu husi tipu hotu-hotu hamutuk rihun haat, hitu nulu-resin haat (4074).
Aleinde ne’e AIFAESA mós kontinua hatama reseita ba estadu, liu husi koima ka osan ne’ebé operadór ekonómiku sira selu bainhira komete infrasaun. Maibé AIFAESA mós iha esperansa atu negosiante sira bele kumpri ba lei atu minimiza selu koima ba estadu.
Lider másima hatutan, AIFAESA nafatin halo inspesaun no re-inspesaun ba estabelesimentu sira iha Dili tantu munisípiu, nune’e bele garante kualidade produtu ba públiku.
Mídia - JO&FL
SIP/AIFAESA.