Article Summary
AIFAESA vizita traballu ho Food and Drug Administration (FDA) Tailándia.
Tailandia, 05/11/2025 - AIFAESA liuhosi Sub Inspetóra Jerál DR. Quitéria da Costa SIP, MPA akompaña hosi Assesór Dr. Jaime da Costa Sarmento, Diretóra Operasaun no ekipa Delegasaun hala'o vizita traballu ho Food and Drug Administration (FDA) Tailándia.
Enkontru ne'e hala'o iha Salaun Ministry of Public Health FDA 88/24 Tiwanon road mueang district nonthaburi 22000 Thailand.
Objetivu prinsipál mak atu fahe informasaun no hahú diskusaun kona-ba asuntu seguransa ai-han, pontu Prinsipál Enkontru sesaun ne'e hahú ho Saudasaun Boas Vindas hosi Sra. Supavadee Terawatsakul, Diretór hosi Divizaun Ai-Han FDA Tailándia, no aprezentasaun ba partisipante sira hotu.
Diskursu hosi DR. Quitéria da Costa hateten, katak AIFAESA nu'udar órgaun sentrál ne'ebé harii hodi garante seguransa ai-han iha nasaun Timor-Leste, nune'e proteje saúde públika no apoia kresimentu ekonómiku sustentável.
Órgaun segundu AIFAESA, konklui katak seguransa ai-han la'ós de'it obrigasaun téknika, maibé responsabilidade komún ida ne'ebé tenke proteje sidadaun sira, fortifika ekonomia, no hametin konfiansa públika.
Tuirmai, parte rua ne'e aprezenta Panorama Jeral kona-ba Sistema Seguransa Ai-Han iha nasaun ida-idak entre Timor-Leste no Tailándia. Asuntu sentrál seluk mak diskute kona-ba Kontrolu Ai-Han Importadu ne'ebé importante tebes ba komérsiu no protesaun konsumidór.
Enkuantu Diretóra Operasaun, Sra. Claudinha Soares Pinto mós aprezenta kona-ba Food Safety System in Timor-Leste.
Mídia - RL & JJF
SIP/AIFAESA.