Article Summary
AIFAESA vizita ba Malázia, delegasaun AIFAESA hasoru malu ho Instituisaun rua mak hanesan Food Safety and Quality Division, Ministry of Health (FSQD-MoH) no SIRIM Berhad (Standard and Industrial Research Institute of Malaysia)
Malázia, 04/11/2025 - Atu habelar kooperasaun servisu ho instituisaun ne'ebé kontrola ai-han no atividade ekonómika iha Malázia, AIFAESA lidera hosi Inspetóra Jerál AIFAESA, Dra. Odete da Silva Viegas, Dermatologista, akompaña hosi Diretór DPORAL, Ângelo Edmundo Belo no ekipa tekniku AIFAESA. Atividade refere hala'o iha loron 24 to'o 28 fulan Outubru tinan ne’e.
Iha vizita ba Malázia, delegasaun AIFAESA hasoru malu ho Instituisaun rua mak hanesan Food Safety and Quality Division, Ministry of Health (FSQD-MoH) no SIRIM Berhad (Standard and Industrial Research Institute of Malaysia). Objetivu hosi enkontru refere mak atu explora kooperasaun iha àrea kontrolu alimentár no kapasitasaun rekursu umanu iha futuru.
FSQD-MoH no SIRIM Berhad, prontu atu servisu hamutuk no fo asistensia teknika ba AIFAESA atu bele mellora servisu kontrolu ba atividade komersial no produtu sira ne'ebé sirkula iha merkadu Timor-Leste.
Media - Ekipa Delegasaun
SIP/AIFAESA.