Article Summary
Ekipa AIFAESA halo deselajen ba produtu foos ho marka “Furak Liu” total sakus (29.777) ne’ebé antes ne’e ekipa halo hela selajen iha fulan fevereiru tinan ne’e, tanba deteta estragadu no lori mós ba halo teste laboratóriu iha Indonézia.
Díli, 30/10/2025 - Inspetora Jeral AIFAESA Dra. Odete da Silva Viegas, Dermatologista, hamutuk ho ekipa halo deselajen ba produtu foos ho marka “Furak Liu” total sakus (29.777) ne’ebé antes ne’e ekipa halo hela selajen iha fulan fevereiru tinan ne’e, tanba deteta estragadu no lori mós ba halo teste laboratóriu iha Indonézia.
Hafoin teste no deteta katak foos refere nia kualidade la tuir strandar ba ema atu konsumu, maka AIFAESA liu husi desizaun Inspetora Jeral hodi deselajen foos refere no konsidera afavór ona ba estadu. Nune’e iha biban ne’e AIFAESA foti foos ho sakas (20) no lori kedas ba Aramazen Centro Lojistika Nasional nian (CLN) ne’ebé lokaliza iha Natarbora atu bele kontinua halo ezaminasaun ka verifikasaun.
Objetivu husi verifikasaun refere mak atu bele halo separasaun ba foos ne’ebé mak sei di’ak bele kontinua fó han animal sira, no a’at sei halo destroisaun. Entretantu, atividade ne’e akompaña direta mós husi Prezidente CLN Sr. António de Araújo, Komandante PNTL inklui Asosiasaun Tane Konsumidór.
Mídia - Ekipa SIP
SIP/AIFAESA.