Article Summary
Ekipa integradu hala'o inspesaun no fiskalizasaun iha munisípiu Lautem
Lautem, 24/10/2025 - Tama ba ikus, Ekipa Servisu Integradu hosi Departamentu Operasaun, Departamentu Metrolojia no Padronizasaun no Departamentu Planeamento Operasionál Risku Alimentár no Laboratóriu, ne’ebé lidera hosi Inspetór Tékniku Justianos Belo Pinto, hamutuk ho ekipa, Jestaun Merkadu Munisípiu Lautem no parte Seguransa halo Inspesaun no Fiskalizasaun Iha Postu Administrativu Lospalos villa.
Entretantu, atividade ne'e, ekipa Inspesiona ba estabelesimentu ho tipu atividade, Kioske, Loja bens Konsumu, no Loja Konstrusaun.
Aleinde, ne'e iha tempu hanesan ekipa entrega mós karta konvokatóriu ba estabelesimentu ida, hodi ba aprezenta dokumentus hanesan Lisensiamentu iha edifisiu Sentral AIFAESA I.P. Matadoru Dili.
Rohan ba atividade ne'e ekipa operasionál hala'o destroisaun ba produtu aprendidus ne'ebé halo apreensaun, enkuantu destroisaun hetan akompañamentu hosi Diresaun Servisu Munisipál Jestaun Merkadu no PNTL.
Mídia - Quim
SIP/AIFAESA.