Article Summary
Ermera, 24/10/2025 - Hafoin termina atividade divulgasaun ba operadór ekonómiku sira, ekipa AIFAESA liu husi Diretór DMP Sr. João Morato no tékniku DPORAL akompaña husi Assessora Dra. Josefina Clarinha, rekolla amostra tua sabu iha Gleno, Munisipiu Ermera ne’ebé mak asegura hela iha Komando PNTL nia fatin.
Tua sabu ne’e hetan apreensaun husi PNTL sira tanba deskonfia prodúz uza matéria prima sira ne’ebé dalabarak sempre kauza ema moras, mate inklui hetan asidente bainhira konsumu tua refere. Antes ne’e mós Prezidente Autoridade Ermera nian hatu’un ona sirkular ida atu hapara sirkulasaun tua sabu ne’e rasik iha Ermera.
Entretantu, amostra tua sabu ne’ebé AIFAESA rekolla sei lori mai teste iha Laboratóriu INSPTL Díli, atu bele hatene porsentazen alkólikas ne’ebé iha.
Mídia - FL
SIP/AIFAESA.