Article Summary
Iha loron 24 Outubru 2025, Ekipa tékniku husi AIFAESA hala'o inspesaun no fiskalizasaun iha área Numbei, Masin, no Palaban, Sub-Rejiaun Pante Makasar, Oé-Cusse.
Ekipa inspesiona hamutuk 13 estabelesimentu, inklui kioske 8, loja 1, rental 2, officina 1, no loja bens konsumu 1.
Rezultadu hosi inspesaun ne'e, la deteta infrasaun boot ruma. AIFAESA halo de'it apreensaun ba produtu alimentísiu ne'ebé ho data validade kaduka ona, ne'ebé operadór ekonómiku sira rasik entrega voluntáriu.
RAEOA, 24/10/2025 - Ekipa tekniku AIFAESA, kontinua halo inspesaun no fiskalizasaun iha area Numbei, Masin, no Palaban, Sub Rejiaun Pante Makasar, Oecusse Villa. Hosi asaun inspesaun no fiskalizasaun ne'e, ekipa inspesiona estabelesimentu hamutuk sanulu resin tolu (13), husi estabelesimentu sanulu resin tolu ne'e maka hanesan Kioske ualu (8), Loja ida (1), Rental rua (2) Officina ida (1) no Loja Bens Konsumu ida (1).
Enkuantu, liu husi atividade kontrolu ne'ebe ekipa halao, la deteta infrasaun ruma, no ekipa halo deit apreensaun ba produtu alimentisius ne'ebe maka entrega voluntariu husi operador ekonomiku sira, tanba produtu hirak ne'e sira kontrola hodi hare nia data validade kaduka ona, no haketak iha fatin apropriadu, nune'e ho prejensa ekipa tekniku AIFAESA ni'an iha sira nia fatin, sira mós entrega voluntariu produtu refere.
Mídia- Ekipa RAEOA
SIP/ AIFAESA.