Article Summary
AIFAESA kontinua hala’o papel iha faze divulgasaun informasaun ba negosiante sira ne’ebé halo negósiu iha Munisípiu Ermera, Gleno.
Ermera, 24/10/2025 - AIFAESA kontinua hala’o papel iha faze divulgasaun informasaun ba negosiante sira ne’ebé halo negósiu iha Munisípiu Ermera, Gleno, sexta semana ne’e.
Iha sesaun diskursu, Fiskál Úniku AIFAESA Sr. Salvador da Crúz hateten, “ita hanesan negosiante ita mós sai hanesan konsumidór tanba ne’e fa’an sasan karik tenki kuidadu”. Órgaun datoluk AIFAESA agradese tanba iha atividade divulgasaun ne’e operadór ekonómiku sira barak mak partisipa, nune’e espera katak informasaun ne’ebé simu bele halo tuir.
Aprezentasaun iha divulgasaun refere mai husi AIFAESA ne’ebé aprezenta husi Diretór Departamentu Metrolojia no Padronizasaun Sr. João Morato kona-ba lei sira ne’ebé regula atividade negósiu no atinjimentu servisu operasaun 2025. Nune’e mós iha aprezentasaun husi SERVE.IP no Seguransa Alimentár ne’ebé aprezenta mós dadus sira tuir servisu ne’ebé durante ne’e hala’o.
Enkuantu, operadór ekonómiku sira ne’ebé partisipa hamutuk lima nulu resin-haat (54) kompostu husi timor-oan no estranjeiru.
Atividade ne’e abertura no ensera husi Sekretáriu Autoridade Administrasaun Finansa Sr. José da C. Gomes, realiza iha salaun, STAE Gleno.
Mídia - FL
SIP/AIFAESA.