Article Summary
Inspesaun no Fiskalizasaun Iha Postu Administrativu Lore, atividade refere hala'o iha loron Kuarta Feira 22/10/2025.
Lautem, 24/10/2025 - Ekipa Servisu Integradu hosi Departamentu Operasaun, Departamentu Metrolojia no Padronizasaun no Departamentu Planeamento Operasionál Risku Alimentár no Laboratóriu, ne’ebé lidera hosi Inspetór Tékniku Justianos Belo Pinto, hamutuk ho ekipa no Reprezentante Administradór Postu halo Inspesaun no Fiskalizasaun Iha Postu Administrativu Lore, atividade refere hala'o iha loron Kuarta Feira 22/10/2025.
Antes realiza atividade inspesaun ekipa halo kordenasaun no aprezenta karta kuñesimentu ba autoridade lokál Postu Administrativu Lore no parte seguransa PNTL hodi fo apoiu seguransa ba atividade Iha Postu refere.
Iha atividade ne'e, ekipa Inspesiona estabelesimentu ho tipu atividade Kioske, no durante inspesaun, ekipa konsege Inspesiona no fiskaliza estabelesimentu hamutuk tolunulu (30) no detekta iregularidade iha Estabelesimentu (5) ho tipu infrasaun hanesan (Laiha Deklarasaun Previa/ Sem Lisensa Setóral).
Mídia - Quim
SIP/AIFAESA.