Article Summary
AIFAESA, liuhosi ekipa Operasional Integradu (DO, DPORAL no DMP) ne'ebé lidera liu Inspetór Januário Mendes, halo kontrolu iha Postu Administrativu Ainaro Vila iha loron 21/10/2025. Iha kontrolu ne'e, AIFAESA detekta katak operadór ekonómiku sira kontinua fa'an produtu ne'ebé liu ona prazu (expiradu) no produtu a'at.
Ainaro, 21/10/2025 - AIFAESA liu hosi ekipa Operasionál Integradu, kompostu hosi DO, DPORAL no DMP, ohin kontinua hala'o kontrolu masimu ba operadór ekonómiku sira, iha Postu Administrativu Ainaro Vila.
Atividade kontrolu ne'e ekipa lideradu hosi Inspetór Januário Mendes, toman aktus irregularidades ne'ebé komete hosi operadór ekonómiku, kontinua komersializa produtu expiradu no danifikadu, nune'e iha okaziaun ne'e Inspetóra atuante Sofia Fernandes rezulta prosesa hasoru empreza tolu refere, tuir baze legal ne'ebé fo kompeténsia ba AIFAESA.
Aliende, iha tempu hanesan ekipa operasionál halo kontrolu mós ba medida materiál konstrusaun no kondisaun ekipamentu sasukat(Dasin).
Enkuantu, iha biban ne'e, ekipa operasionál nafatin bolu atensaun ba negósiante sira, produtu ai-han ne'ebé ho kondisaun falun metin presija taka rotulajen, nune'e bele hafasil komprador sira, asesu ba produtu.
Atividade kontrolu ne'e, hetan apoiu seguransa hosi Komando PNTL Munisípiu Ainaro.
Mídia - JcGon
SIP/AIFAESA.