Article Summary
AIFAESA hala'o koordenasaun ho reprezentante Presidente Autoridade Munisípiu Lautem, Jestaun Merkadu no Komandante Polísia Munisípiu Lautem antes atu realiza atividades Inspesaun no Fiskalizasaun.
Lautem, 20/10/2025 - Ekipa Servisu Integradu hosi Departamentu Operasaun (DO), Departamentu Metrolojia no Padronizasaun (DMP), no Departamentu Planeamento Operasionál Risku Alimentár no Laboratóriu (DPORAL), ne'ebé lidera hosi Xefé ekipa Inspetór Tékniku Justianos Belo Pinto, hala'o koordenasaun ho reprezentante Presidente Autoridade Munisípiu Lautem, Jestaun Merkadu no Komandante Polísia Munisípiu Lautem antes atu realiza atividades Inspesaun no Fiskalizasaun.
Iha liña koordenasaun refere, Prezidente Autoridade, reprezenta hosi Sekretariu Planu Dezenvolvimentu Integradu, Sr. Tiborsio dos Santos, Xefé Departamentu Jestaun Merkadu, Sr. Domingos dos Santos Sequeira no Komandante Polísia Munisípiu Lautem, Superintendenti João da Costa, agradese ba AIFAESA, I.P., tanba bele marka prezensa no hodi bele halo kontrolu ba estabelesimentu hirak ne'ebé eziste iha Munisípiu Lautem, liu-liu Postu Administrativu ne'ebé planeia ona no sai alvu atu realiza atividade Inspesaun no Fiskalizasaun.
Nune'e mós, Autoridade sira sujere ba Ekipa atu halo kontrolu ba kioske Sira ne’ebé iha área rurais, nune'e operadór ekonómiku sira komersializa produtu ne'ebé iha kondisaun diak no laiha manipulasaun ruma.
Mídia - Quim
SIP/AIFAESA.