Article Summary
Halo inspesaun no fiskalizasaun iha área Gleno, Postu Administrativu Ermera Vila.
Ermera, 16/10/2025 - Kinta-feira óhin, ekipa AIFAESA kontinua halo inspesaun no fiskalizasaun iha área Gleno, Postu Administrativu Ermera Vila.
Iha kontrolu ne’e, ekipa identifika estabelesimentu hamutuk lima (5) mak komete infrasaun hanesan, fa’an produtu aihan no la’os aihan liu prazu no tabaku ilísitu, nune’e inspetór autuante sei prosesa tuir lei. Ekipa mós konvoka na’in ba estabelesimentu (2) ba lisensamentu komersiál.
Aleinde ne’e, ekipa DPORAL kontinua fahe informasaun esensiál sira liga ho ijiene iha restaurante, armazenamentu loza nian no sira seluk tan. Inspetór DMP nafatin halo kontrolu ba dasin sira liu-liu tetu ba kuantidade produtu ne’ebé falun fila fali (repacking).
Mídia - FL
SIP/AIFAESA.