Article Summary
Brigada turístuka departamentu operasaun no Departamentu Planeamentu Operasionál Risku Ai-han no Laboratóriu (DPORAL), hala'o kontrolu ba estabelesimentu sira iha kapital Dili.
Dili, 16/10/2025 - AIFAESA liuhosi Brigada turístika Departamentu Operasaun (DO), no Departamentu Planeamentu Operasionál Risku Ai-han no Laboratóriu (DPORAL), hala'o kontrolu ba estabelesimentu sira hanesan restaurante, salon, massage, no laundry, iha área Grincefor, Postu Administrativu Nain Feto, Munisípiu Díli.
Objetivu prinsipál hosi inspesaun ne’e foka liu ba restaurante nian maka atu asegura ai-han ne'ebé fornese seguru atu han. Ekipa AIFAESA verifika aspétu oioin hanesan limpeza dapur nian, oinsa rai ai-han matak no tasak, temperatura frigorífico rai ai-han, ijiene empregadu nian, armazenamentu ne'ebé diak, hariis fatin mós, lixu fatin no esgotu.
Ekipa AIFAESA rekomenda nain ba restaurante kona-bá prátika maneja ai-han ne'ebé diak hanesan fase liman, uza luvas, uza xapéu wainhira halo atendimentu ba klienti sira, haketak ai-han tasak no matak, nomós organiza fatin tein, armazenamentu no fatin prepara ai-han ne'ebé ho diak.
Mídia - GXG
SIP/AIFAESA.