Article Summary
Atividade inspesaun oha Letefoho, Ermera
Ermera, 15/10/2025 - Autoridade Inspesaun no Fiskalizasaun ba Atividade Ekonómika Sanitária no Alimentar, kuarta semana ne’e halo inspesaun no fiskalizasaun ba atividade ekonómika sira iha Postu Administrativu Letefoho, Munisípiu Ermera.
Maske ho distánsia do’ok, rai malirin no udan maibé ekipa operasionál konsege halo kontrolu ba produtu aihan hotu iha postu refere, hodi rejista estabelesimentu hamutuk rua nulu resin-tolu (23) hahú hosi keoske to’o loza sira inklui divulga informasaun mós ba negosiante ambulante etu no tabaku.
Ekipa ne’ebé lideradu hosi Diretór DMP João Morato ne’e, hetan autorizasaun husi Administradór Postu no akompaña husi funsionáriu Administrasaun ho PNTL eskuadra Letefoho.
Mídia - FL
SIP/AIFAESA.