Article Summary
Onspetóra Jerál hetan Entrevista hosi Media Nasionál RTTL
Díli,15/10/2025 - Iha Kuarta semana ne'e, Jornalista Rádio Televisão Timor Leste, (RTTL),halo Entrevista ba Inspetora Jeral AIFAESA, Dra.Odete da Silva Viegas, Dermatologista, iha kna'ar fatin Matadouro.
Entrevista ne'e, hodi kolia Kona-ba estabelesimentu komersial ne'ebe AIFAESA inspesiona ona, inisiu hosi fulan Janeiru to'o iha Outubru 2025, hamutuk 3514.
Okaziaun ne'e Inspetora Jeral dehan AIFAESA nafatin halo Monitorizasaun ba negosiante ambulante ne'ebe fa'an ai-han, no kontinua bolu atensaun ba sira, hodi komersializa ai-han ho seguru ba konsumidores, presija utiliza roupa ne'ebe própriu hanesan Luvas, Máskara, Xapeu no avental.
Tempu hanesan, Líder Masima AIFAESA, sublina mós kona-ba AIFAESA la marka prejensa iha ekipa Konjunta, ne'ebe halo kontrolu ba Tabaku Ilisitiu no Bebidas asukaradas iha merkadu Tradisional Taibessi, Manleuna no Bekora, ne'ebe lidera hosi Alfândega, razaun tanba agora dadaun AIFAESA sei halo Divulgasaun informasaun ba negosiante ambulante sira Kona-ba Dekretu Lei 14/2016, Rejime Kontrolu Tabaku, hafoin halo inspesaun ba Tabaku Ilisitiu sira iha Kapital Díli, inklui Munisipiu, bainhira AIFAESA indentifika kontinua komersializa Tabaku Ilisitiu, sei foti medida rigoruzu hasoru Operador Ekonomiku.
Média-JcGon
SIP/AIFAESA.