Article Summary
Monitorizasaun ba vendedor ambulante sira iha tempu kalan (noturna)
Díli, 09/10/2025 - Ekipa Operasionál AIFAESA ,ohin kontinua hala'o vizita supreza ba Negósiante Ambulante sira ne'ebé komersializa ai-han iha tempu kalan (Noturna), iha Munisipiu Díli, Postu Administrativu ha'at, kompostu hosi Cristo-Rei, Nain-Feto, Vera Cruz inklui Dom Aleixo.
Iha asaun ne'e, ekipa Operasionál hetan akompañamentu hosi Direjente Departamentu sira, hodi halo Monitorizasaun ba Negósiante Ambulante sira, ne'ebe hetan ona divulgasaun informasaun hosi AIFAESA, iha fulan kontuk kona-ba ai-han seguru.
Okaziaun ne'e, ekipa operasional AIFAESA observa negosiante ambulante balun komprimenta ona rekezitus, kona-ba prepara ai-han seguru, ne'ebe utilizá ona uniforme própriu hanesan Luvas, Máskara,Xapeu, no aventál.
Enkuantu, Negósiante balun seidauk komprimenta, nune'e ekipa AIFAESA kontinua bolu atensaun ba Negósiante sira, hodi halo tuir informasaun sira ne'ebe AIFAESA divulga ona.
Bainhira, kontinua komersializa ai-han la ho seguru, ekipa operasional, sei foti asaun rigoruzu hasoru Negósiante sira.
Média - JcGon & Jo
SIP/AIFAESA.