Article Summary
Konsultasaun Stakeholder kona-bá Estratéjia Pós Adezaun Tinan Lima (2026-2030), ba implementasaun komprimisu AEC (ASEAN Economic Community).
Díli, 08/10/2025 - Inspetóra Jerál AIFAESA, Dra.Odete da Silva Viegas Dermatologista akompaña hosi Assesóra Dra. Josefina Clarinha João, no Xéfe Gabineti Armindo Gonçalves, hodi marka prezensa ativamente iha konsultasaun stakeholder ne'ebé hala'o hosi Diresaun Jerál Asuntu ASEAN ho Ministériu Negósiu Estranjeiru no Kooperasaun hamutuk ho instituisaun relevantes sira hodi diskute kona-bá Estratéjia Pós Adezaun Tinan Lima (2026-2030), ba implementasaun komprimisu AEC (ASEAN Economic Community).
Objetivu hosi enkontru konsultasaun ne'e hanesan
➡️ Aprezentasaun esbosu enkuadramentu Planu Asaun Estratéjiku, inklui prinsipiu orientadór no elementu sentrál implementasaun AEC, Timor-Leste nian.
➡️ Buka perspetiva sira hosi liña Ministeriál no ajénsia sira ne'ebé relevante kona-bá reforma legál, regulatóriu no institusional sira ne'ebé presiza ba komprimisu sira AEC nian.
➡️ Diskuti mekanizmu koordenasaun, mobilizasaun rekursu, no enkuadramentu monitorizasaun
➡️ Identifika setór prioridade sira ba diversifikasaun ekonómika hanesan Agrikultura, Peskas, Turizmu, manufatura, lojistíka, ekonómia dijitál no indústria sira.
Nune'e partisipasaun AIFAESA nomós instituisaun hirak ne'e importante
tebes hodi asegura katak aspétu inspesaun no supervizaun ba atividade Ekonómika, Saúde no Ai-han sei la'o tuir padraun no obrigasaun ASEAN nian.
Iha diskusaun importante ne'e, aprezenta mós benefísiu barak ne'ebé Timor-Leste sei hetan wainhira tama ba ASEAN. Diskusaun mós foka li-liu ba pontu prinsipál tolu (3) ne'ebé sai Xave ba adezaun :
➡️ Oportunidade: Asesu ba merkadu bo'ot no investimentu rejionál.
➡️ Kompromisu no Obrigasaun: Presiza kumpri regulamentu no padraun ASEAN nian.
➡️ Dezafiu no Risku: Presiza estabelese solusaun másimu hodi minimiza risku.
Atividade refere hala'o iha Salaun Nobre MNEC, no hetan partisipa masimu hosi entidades relevante sira.
Média - GXG & Arc
SIP/AIFAESA.