Article Summary
Atuasaun Keixa iha Minisipiu Baicau kona-bá manutolun kinur 2 (double yolk)
Baucau, 07/10/2025 - Ekipa Operasionál AIFAESA, ohin halo intervensaun rapida ba keixa indereita hosi konsumidóres, iha Munisipiu Baucau.
Hafoin, simu keixa indereita hosi média sosial (Facebook) hosi konsumidóres, kona-bá Manutolun kinur 2 (double yolk), ne'ebé diskonfia bele prejudika ba saúde benifisiariu merenda eskolar, hanesan estudante sira iha eskola EFS 360 Vilanova Baucau. Nune'e ekipa operasionál AIFAESA desloka kedas ba terenu hodi halo intervensaun emidiata.
Ekipa Operasionál AIFAESA, to'o iha fatin hodi akumula informasaun hosi entidades relevante sira hanesan servisu saúde Munisipal(MdS), Edukasaun Munisipal (ME), no WFP, kona-bá kronolojia sira, hafoin akumula informasaun, ekipa direita to'o iha eskola refere hodi halo observasaun no rekolla informasaun liga ho Manutolun refere. Ekipa kontinua halo inspesaun no fiskalizasaun ba estabelesimentu ne'ebe distribui ka fa'an produtu.
Iha okaziaun ne'e, ekipa sei kontinua halo rastreabilidade produtu ba iha empreza distributór sira hodi rekolla informasaun liga ho manu tolun (double yolk) ne'ebé eziste, nune'e bele fó solusaun ka resposta ba prekupasaun Sira.
Média - JcGon
SIP/AIFAESA.