ÓRGAUN AIFAESA HALO KOORDENASAUN SERVISU HO PREZIDENTE AUTORIDADE MUNISÍPIU DÍLI

Díli, 06/10/2025 - AIFAESA liu husi órgaun tolu akompaña husi diretores no assessór sira, halo enkontru koordenasaun servisu ho Prezidente Autoridade Munisípiu Díli, segunda ne’e iha edifísiu PAM Matadouru.

Enkontru ne’e Inspetora Jeral Dra. Odete da Silva Viegas, Dermatologista, aprezenta objetivu enkontru ne’ebé foka ba servisu regular AIFAESA liu-liu inspesaun sira liga ho ;

✅ Negosiante Ambulante

✅Tabaku Ilisitu

✅Prosesu destroisaun

✅Presu Justu

✅Lisensa komersiál

✅Inspesaun iha Pontu entrada sira.

Enkuantu, iha biban ne’e Prezidente Autoridade Díli Sr. Francisco dos Santos agradese mai AIFAESA no hato’o sentimentu prontidaun atu apoiu AIFAESA sem rezerva no hakarak iha komitmentu ida atu bele servisu hamutuk halakon problema sira ne’ebé sai preokupasaun públiku hodi kontribui ba dezenvolvimentu nasaun.

Aspetu hirak ne’ebé diskute iha reuniaun ne’e mak hakarak atu hadia failansu sira, ao mesmo bele prienxe kritéria oinsá Timor Leste atu tama ba iha ASEAN.

Entretantu, AIFAESA agradese ba Prezidente Autoridade no entrega brosura kona-ba Ijiene nian no brosura tabaku ho kuantidade (100 ezemplar), inklui gravasaun lian hodi bele ajuda servisu AIFAESA nian ba kontrolu atividade negosiante ambulante no tabaku sira iha merkadu tradisionál no fatin sira seluk.

Enkontru ne’e, partisipa mós husi diresaun seguransa alimentar no jestaun merkadu.

Média - FL/JcGon

SIP/AIFAESA.