AIFAESA KONTINUA HALO AVALIASAUN SERVISU BA TRIMESTRE DATOLUK

Díli, 03/10/2025 - AIFAESA liu hosi órgaun, diretores, assessores no funsionáriu sira, kontinua halo avaliasaun servisu AIFAESA nian loron daruak ne’ebé realiza iha resintu AIFAESA, Matadouro.

Iha loron daruak ne’e, aprezenta rezultadu servisu husi gabinete Inspetora Jeral, gabinete Sub Inspetora Jeral, gabinete Fiskál Úniku no Seksaun Informasaun Públika. Aleinde ne’e iha mós aprezentasaun kona-ba elaborasaun manual prosedimentu (SOP) husi dr. Sergio Lobo no avaliasaun AIFAESA ba dezenvolvimentu Institusionál aprezenta husi Diretór DPORAL Ângelo E. Belo.

Avaliasaun ne’e AIFAESA realiza kada trimestral no dadaun ne’e halo ona ba dala IV tuir rekomendasaun ne’ebé iha ona ho objetivu prinsipál nu’udar sasukat ba realizasaun sira, identifika dezafiu no fornese rekomendasaun.

Entretantu, rohan husi avaliasaun ne’e AIFAESA fahe mós sertifikadu apresiasaunn ba jornalista husi média nasionál sira hanesan GMNTV, Tatoli, Independente, Timor Post, STL no RTTL.

Avaliasaun ne’e ensera husi Sub Inspetora Jeral DR. Quitéria da Costa, SIP, MPA.

Média - Ekipa SIP

SIP/AIFAESA.