Article Summary
AIFAESA REALIZA AVALIASAUN LORON DAHULUK HODI AVALIA HIKAS SERVISU BA TRIMESTRE DATOLUK NIAN
Dili,
02/10/2025 - Avaliasaun dezempeñu maka aspetu krusiál ida hosi jestaun
rekursu umanu iha instituisaun ida ou governu. Liuhosi avaliasaun,
dezempeñu funsionáriu sira bele sukat ho objetivu hodi determina sira
nia efikásia no efisiénsia hodi hala'o sira kna'ar no responsabilidade
ne'ebé atribui ba sira.
Iha
abertura Inspetóra Jerál AIFAESA Dra. Odete da Silva Viegas
Dermatologista, hateten ita hotu tenki sai nain ba servisu, avaliasaun
ida ne'e ho objetivu ida katak hotu-hotu tenki involve masimu fó hanoin,
ideias, nune'e ba oin ita bele hadia. Primeira Supriora AIFAESA ne'e
husu ba ekipa think tank atu fó hanoin no haree progresu servisu hosi
avaliasaun datoluk ne'e. Ema hotu-hotu laiha abilidade hanesan, laiha
kapasidade hanesan, nune'e ida ne'ebé hatene hanorin ida ne'ebé lahatene
atu nune'e ita kompleta malu sai familia bo'ot AIFAESA nian. AIFAESA
ita hotu nian se servisu susesu ita hotu-hotu nia servisu kolektivu,
haktuir Supriora ne'e.
Atividade avaliasaun
ne'e iha aprezentasaun hosi kada Departmentu hanesan DO, DMP, DPORAL,
DAJK, DAF, Ekipa Destakadu RAEOA nomós ekipa integradu. Komisaun
organizadora ba atividade refere hosi Departamentu Assuntus Jurídiku no
Kontraordenasaun.
Partisipasaun másimu hosi
Diretóres, Orgaun tolu, Pontu fokál MKAE, Assesóres, Ekipa Destakadu
RAEOA no funsionáriu tomak AIFAESA nian, iha edifísiu Sentral AIFAESA
Matadouro.
Média - GXG/JcGon/Jo
SIP/AIFAESA.